Ós prinse van 't seizoen
Prins Paul I (v/d laarschot)
Op zaoterdig 18 jannewari 2020 höbbe v.v. De Kraonkelaere Paul van de Laatschot es 50ste Prins oetgerope. Hae is zeker gein onbekènde van de vereniging. In 't seizoen 98-99 woort Paul al Jeugprins Paul I. Daonao ging Paul 't AJPK in en mit die geweldige groep trèk hae nog altied de kar. Auch haet hae ein verleje es gewaerdrager van de vereniging en de jaore d'rnao es lid van de Raod van Ellef.
Hae zal in de Kraonkel de Vastelaovesdaag regere mit zien liefsjpreuk:
Veur de tweëde keër bèn ich tot Prins verkaoze,
En ich gaon mit uch drie daag hosse & raoze.
Rich mit mich de naas nao eine kantj,
Dan zörge veer veur sjpass en plezeer in ós Kraonkelaere Landj.
Kraonkel Alaaf!
Jeugprins Nigel I (Boon)
Zondig 9 febrewari 2020, Kraonkel Gelaen.
De Kraonkelaere höbbe op ein drukke, gezellige Kènjer Zitting Nigel Boon oetgeraope tot Jeugprins Nigel 1ste.
Nigel is de 47ste Jeugprins van de Kraonkelaere en kömp oet ein echte Kraonkelaere femilie. Sinds dit jaor is ziene pap de eërste Kraonkel Kanjer gewaore, beide ooms zeen prins gewaes, opa waor jaore langk lid van de Raod van Ellef en lange tied veurzitter en gank zo mêr wieër...
Nigel geit regeren euver 't Kraonkelriek mit ziene liefsjpreuk:
"Auch al bèn ich neet van hiej,
Ich bèn d'r ömmer biej;
Bie de Kraonkelaere vèng ich mien gelök,
En veur mich kèn deze carnaval neet mieër sjtök;
Kraonkelaere, Alaaf!"
